Məsməxanım Qazıyeva

Məsməxanım Qazıyeva — filologiya elmləri doktoru, professor, Azərbaycan Dillər Universitetinin linqvokulturologiya kafedrasının müdiri.

Məsməxanım Qazıyeva
Qazıyeva Məsməxanım Yusif qızı
Məsməxanım Qazıyeva.
Doğum tarixi	21 mart 1945 (1945-03-21)
İş yeri	Azərbaycan Dillər Universitetinin linqvokulturologiya kafedrası (kafedranın müdiri)
Elmi dərəcəsi	filologiya elmləri doktoru
Elmi adı	professor

Haqqında məlumatlar

21 mart 1945-ci il tarixdə anadan olub.

Təhsili

1962-ci ildə Bakı şəhər 74 №-li orta məktəbini bitirib.

1962 – 1967-ci illərdə M.F.Axundov adına Azərbaycan Pedaqoji Dillər İnstitutunun ingilis və azərbaycan dilləri fakültəsində təhsil alıb.

Elmi fəaliyyəti

1988-ci ildə SSRİ Pedaqoji Elmlər Akademiyası Tədrisin Məzmunu və Metodları Elmi Tədqiqat İnstitutunda “Real nitq ünsiyyəti xarici dillərin tədrisi keyfiyyətinin yaxşılaşdırılmasında bir vasitə kimi” mövzusunda namizədlik dissertasiyasını,

2004-cü ildə AMEA-nın Nizami adına Dilçilik İnstitutunda “Səhnə nitqinin linqvistik problemləri” mövzusunda doktorluq dissertasiyasını müdafiə edib.

70-dən çox çap olunmuş elmi əsərin müəllifidir. 26 fəlsəfə və elmlər doktorunun elmi rəhbəri olub.

Əmək fəaliyyəti

1967-ci ildə M.F.Axundov adına Azərbaycan Pedaqoji Dillər İnstitutunda saxlanılıb.

Digər

Əslən Şəki rayonunun Baş Göynük kəndindəndir. Sovet dövründə Azərbaycanda məşhur qadın hüquqları müdafiəçisi olmuş Gülarə Köylüqızının (Qədirbəyova) qardaşı qızı, Azərbaycan SSR Ali Sovetin sonuncu katibi Rəfiqə Qazıyevanın isə əmisi qızıdır.

Ədəbiyyat

1. Məmmədov Ə., Xalıqov F. Qazıyeva Məsməxanım // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 315-316. — 1.000 nüsx.
2. Xanoğlan V. Parlaq nəslin layiqli davamçısı –professor Məsməxanım Qazıyeva : [arx. 30.09.2021] // 525.az. — 2019. — 19 noyabr. — Müraciət tarixi: 30.09.2021.
3. Cəfərova K. Elmi axtarışlar işıq və ümid dolu alim : [arx. 30.09.2021] // Ədalət qəzeti. — . — Müraciət tarixi: 30.09.2021.